საქართველოში ინტერნეტი სახლში 69.5%-ს აქვს. ინტერნეტით უზრუნველყოფილი მოსახლეობის ყველაზე დიდი წილი თბილისში ცხოვრობს (85.5%), შემდეგ მოდის აჭარა (80.3%) და სამეგრელო ზემო სვანეთი (66%). აღნიშნულ ინფორმაციას Forbes-ის ქართული გამოცემა საქართველოს სტატისტიკის ეროვნული სამსახურის მონაცემებზე დაყრდნობით ავრცელებს.
☼ გსურს რუსული ენის შესწავლა? გაეცანი სასწავლო პროგრამებს EDU.ARIS.GE-ზე ☼
არსებული მონაცემებით, საქართველოში ინტერნეტს მოსახლეობის 92.4% სოციალური ქსელებისთვის იყენებს. ასევე ინტერნეტის გამოყენების მიზნებს შორის მაღალია ონლაინ ახალი ამბების კითხვაც (52.5%). ელექტრონული ფოსტით სარგებლობისთვის კი ინტერნეტს 51% იყენებს.
საქსტატის მონაცემებით, მოსახლეობის 51.6% ინტერნეტს ჯანმრთელობის საკითხებზე ინფორმაციის მოსაძიებლად იყენებს. საქონლისა და მომსახურების შესახებ ინფორმაციის მოსაძიებლად ინტერნეტს 30.8% იყენებს, სამუშაოს ინტერნეტში 20% ეძებს, ინტერნეტ ბანკინგით სარგებლობისთვის ინტერნეტის გამოყენების მაჩვენებელი კი 26.1%-ია.
აღსანიშნავია, რომ სოციალური ქსელების გამოყენების მიზნით, ინტერნეტს ყველა ასაკობრივ ჭრილში მაღალი მაჩვენებელი აქვს: 15-29 წლის ასაკის პირებში 95.7%; 30-59 წლამდე პირებში – 89.7%; 60 წელს ზევით – 70.8%.
