სტაჟირების სახელმწიფო პროგრამაში სტუდენტთა რეგისტრაცია იწყება

იწყება სტაჟირების სახელმწიფო პროგრამის 2016 წლის გაზაფხულის ნაკადი. აღნიშნულ პროგრამაში მონაწილეობის მისაღებად აუცილებელია, სტაჟიორობის კანდიდატმა, 2016 წლის 12 მარტის ჩათვლით მიმართოს შესაბამის საგანმანათლებლო დაწესებულებას და განაცხადოს წერილობითი თანხმობა სტაჟირების აღნიშნულ ნაკადში მონაწილეობის მისაღებად.

პროგრამაში მონაწილეობა შეუძლიათ ბაკალავრიატის დამამთავრებელი კურსის (ვისაც უკვე დახურული აქვს მინიმუმ 6 სემესტრი) სტუდენტებს, ასევე, მაგისტრატურისა და დოქტორანტურის ნებისმიერი სემესტრის სტუდენტებს და 2014 და 2015 წლის ნებისმიერი საფეხურის კურსდამთავრებულებს. მონაწილეობისთვის სავალდებულოა, მსურველს ჰქონდეს  GPA 3.0 ან მეტი ან საგანმანათლებლო პროგრამის ფარგლებში მიღებული შეფასებების საშუალო არითმეტიკული მინიმუმ B (81-90% – ძალიან კარგი).

  ☼ ეძებ IT ინჟინერიის შემსწავლელ კურსებს? გაეცანი სასწავლო პროგრამებს EDU.ARIS.GE-ზე  ☼

სტაჟირებით დაინტერესებულმა სტუდენტებმა და კურსდამთავრებულებმა უნივერსიტეტს უნდა მისცენ წერილობითი თანხმობა, რომ მათი მონაცემები გადაეცეს საჯაროს სამსახურის ბიუროს. ამიტომ, სტაჟირების პროგრამაში მონაწილეობის მსურველები ა.წ. 11 მარტის 18:00 საათამდე უნდა გამოცხადდნენ თსუ სტუდენტთა კარიერული განვითარების ცენტრში (თსუ II კორპუსი, პირველი სართული, ოთახი #103)  და შეავსონ საჯარო სამსახურის ბიუროს მიერ მოწოდებული საგანგებო ფორმა.

მსურველებს შეუძლიათ, ელექტრონულადაც გააგზავნონ შევსებული და ხელმოწერილი ფორმა. ამისთვის უნდა მიწერონ მისამართზე: [email protected]. ელექტრონულად ფორმების გამოგზავნა შესაძლებელია 12 მარტის 18:00 საათამდე.

დამატებითი ინფორმაციისთვის იხილეთ სტაჟირების სახელმწიფო პროგრამის ვებგვერდი, ან დაუკავშირდით

პროგრამის ცხელ ხაზს: 219 77 55

ელ.ფოსტა: [email protected]

იხილეთ ასევე: სტუდენტური ვაკანსია მენეჯერის ასისტენტის პოზიციაზე

USAID-ის სტაჟირების პროგრამა სტუდენტებისთვის

სტუდენტური ვაკანსია