“ადრე ამდგარსა კურდღლსა ვერ დაეწევა მწევარი” – განვაზოგადოთ ეს ანდაზა და მივხვდებით რომ ხალხური გამონათქვამები საუკეთესო მრჩევლები არიან. ანალოგიური მიდგომები აქვთ ფსიქოლოგებსაც – ადრე გაღვიძებით სხეულის გაკაჟებას და ბევრი სასარგებლო რამის კეთებას მოასწრებთ.
☼ გსურს რუსული ენის შესწავლა? გაეცანი სასწავლო პროგრამებს EDU.ARIS.GE-ზე ☼
ფსიქოლოგები წარმატებული და პროდუქტიული დღისთვის გვირჩევენ, რომ დღე 7:00 საათზე დავიწყოთ და დილის 8:00 საათამდე 8 აქტივობა გავაკეთოთ.
1. 7:00 საათზე გაღვიძება
მთავარი წესი გახსოვდეთ, რომ სამსახურს/სწავლას თქვენი ჯანმრთელობა არ შესწიროთ და სულ მცირე 7-8 საათი დაიძინეთ. არანაკლებ მნიშვნელოვანია საკვები და წყალი.
კვლევებით დამტკიცებულია, რომ კარგად ძილი მეხსიერებისა და კონცენტრაციის გაუმჯობესებას ხელს უწყობს.
2. დილის მედიტაცია – 7:05
რამდენიმე წუთიანი ვარჯიში როგორც ფიზიკური ჯანმრთელობისთვის ისევე სულიერი სიმშვიდისთვის მნიშვნელოვანია.
3. ფიზიკური აქტივობა 7:15
ვარჯიში ტვინის მუშაობას აუმჯობესებს და სტრესს ამცირებს. თუ მიყოლებით სამი დღის განმავლობაში ივარჯიშებთ, შემდეგ უკვე ვარჯიში ჩვევად გექცევათ.
4. 30 გრამი პროტეინი – 7:25
ექიმები მიჩნევენ, რომ საუზმეზე 30 გრამი პროტეინის მიღება ოპტიმალური რაოდენობაა. მიიღეთ კვერცხი, მარცვლეული, ხორცი ან ხაჭო. უმჯობესია პროტეინს თუ გაღვიძებიდან 30 წუთის შემდეგ თუ მიირთმევთ.
5. გრილი შხაპი – 7:35
გრილი შხაპი იმუნიტეტს აუმჯობესებს. დეპრესიაზე მედიკამენტებზე უფრო კარგად გრილი შხაპი მოქმედებს. ადამიანების უმრავლესობაზე შხაპი დადებითად მოქმედებს და თავს ბედნიერად გრძნობენ.
6. თვითგანვითარება – 7:50
გართობის ნაცვლად, დღეში რამდენიმე წუთი სწავლას დაუთმეთ. შეიძლება რამე საინტერესო წაიკითხოთ, ან მოუსმინოთ, რაც თქვენს განვითარებაში წვლილს შეიტანს.
7. მიზნების სია – 7:55
ყოველდღიურად გადახედეთ თქვენი მოკლევადიანი და გრძელვადიანი მიზნების სიას. მიზნებზე ფიქრი ფოკუსირებულსა და მიზანდასახულს გაგხდით.
8. ერთი გრძელვადიანი მიზანი – 8:00
იმუშავეთ თქვენი მიზნის განხორციელებისთვის და იყავით მოტივირებული. ის რაც დღეს უნდა გააკეთოთ, ხვალისთვის არასოდეს გადადოთ.
წყარო: businesspost.ge
