18 დეკემბერს 15:00 საათზე სტუდენტურ აქტივიზმზე სახალხო დისკუსიები გაიმართება. გთავაზობთ ღონისძიების შესახებ ინფორმაციას, რომელსაც თავად ორგანიზატორები ავრცელებენ:
“გვჯერა, რომ საქართველოს ევროპული მომავლისთვის დღეს სახალხო დისკუსიები იმაზე საჭიროა, ვიდრე არასდროს.
გვინდა შევქმნათ უსაფრთხო სივრცე, სადაც ქვეყანაში მიმდინარე მოვლენებთან დაკავშირებით გავცვლით აზრებს და დავკავშირდებით.
პირველ თემად კი სტუდენტური აქტივიზმი ავარჩიეთ, სტუდენტობასთან დაკავშირებული თემების განსახილველად და საკოორდინაციოდ.
სახალხო დისკუსიაზე არ იქნებიან მოწვეული მომხსენებლები. დაგხვდებათ მაგიდები, სადაც მოდერატორები გაუძღვებიან დისკუსიებს სხვადასხვა თემაზე, თქვენ კი სურვილისამებრ აირჩევთ მაგიდას და ნებისმიერ დროს შეგეძლებათ სხვა მაგიდაზე გადანაცვლება.
გელოდებით 15:00-ზე ფაბრიკა – Jungle Room, ეგნატე ნინოშვილის N8.
ერთად ყველაფერი გამოგვივა!
შეავსეთ ეს ფორმა და გაგვიზიარეთ თქვენთვის საინტერესო თემები, რომლებზეც ისურვებდით დისკუსიას,” – წერია ღონისძიების აღწერაში.
