დებატების კლუბი მსოფლიოს მრავალი ქვეყნის უნივერსიტეტში არსებობს და მის პოპულარობას ხელს უწყობს თამაშის ფორმა, რომელიც სტუდენტებს კარიერისათვის მნიშვნელოვანი უნარ-ჩვევების გამომუშავებაში ეხმარება.
კონკურსის გავლის შემდეგ დებატების კლუბში გაწევრიანება შეუძლიათ ილიაუნის ბაკალავრიატის სტუდენტებს, რომლებიც შეძლებენ მონაწილეობას დებატების ეროვნულ და საერთაშორისო ფორუმებში, რომლებიც მუდმივად იმართება საქართველოს დებატებისა და განათლების ინსტიტუტის ეგიდით. ეს ინსტიტუტი საერთაშორისო დებატების ასოციაციის ერთადერთი წევრი ორგანიზაციაა საქართველოში. ფორუმში მონაწილეობს მსოფლიოს ყველა ის ქვეყანა, სადაც დებატების კლუბები არსებობს.
დებატების კლუბის წევრობის მსურველებმა უნდა გაიარონ ორეტაპიანი კონკურსი – რეგისტრაცია და ზეპირი გასაუბრება.
რეგისტრაციისთვის ეწვიეთ ბმულს.
რეგისტრაციის ბოლო ვადა: 13 ნოემბერი, 23:59 საათი.
