თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ჟურნალი „ფაზისი“ საერთაშორისო სამეცნიერო ბაზაში – Scopus შევიდა. აღნიშნული ინფორმაცია ჟურნალის სარედაქციო კოლეგიას ოფიციალურად უკვე მიღებულ აქვს, ხოლო „ფაზისი“ ბაზაში ერთ თვეში აისახება.
„ფაზისის“ ჩართვა Scopus-ის ბაზაში მნიშვნელოვანი ნაბიჯია ქართული სამეცნიერო გამოცემების ნდობისა და პრესტიჟის ამაღლების მიმართულებით. ეს ინიციატივა ხელს შეუწყობს ქართული ჰუმანიტარული მეცნიერების საერთაშორისო აღიარებას და ქართველ მეცნიერთა ცნობადობის ზრდას. ასევე, ამ პროცესით განმტკიცდება საქართველოს სამეცნიერო სივრცეში მაღალი აკადემიური სტანდარტების დანერგვა და მოხდება ქართველ მკვლევართა ინტეგრაცია საერთაშორისო სამეცნიერო საზოგადოებაში.
Scopus არის საყოველთაოდ აღიარებული და ერთ-ერთი ყველაზე პრესტიჟული საერთაშორისო მონაცემთა ბაზა, რომელიც სხვადასხვა დარგის რეფერირებულ აკადემიურ ჟურნალებს აერთიანებს. „ფაზისის“ წარმატება ამ ბაზაში დასტურს წარმოადგენს ქართული მეცნიერების განვითარებისა და საერთაშორისო დონეზე წვდომის მნიშვნელობის შესახებ.
