ოზონის შრის შესახებ ახალგაზრდების ცნობიერების ამაღლების მიზნით, სტუდენტებისთვის კონკურსი სახელწოდებით: „ახალგაზრდები ოზონის შრის დასაცავად“ გამოცხადდა.
კონკურსის ფარგლებში, სტუდენტმა 2024 წლის 1 ივნისიდან 10 სექტემბრამდე უნდა მოამზადოს არაუმეტეს 30 გვერდიანი წერილობითი ნაშრომი. სამი საუკეთესო ნაშრომის ავტორი საკონკურსო კომისიის მიერ ტექნიკის მაღაზიის ფასიანი ვაუჩერით დაჯილდოვდება. I ადგილის მფლობელი დაჯილდოვდება 1500 ლარით, II ადგილის მფლობელი 1300 ლარით, ხოლო III ადგილზე გასული მიიღებთ – 1000 ლარს.
საკონკურსო ნაშრომის სამუშაო თემები: თანამედროვე ტექნოლოგიები სამაცივრო, თბური ტუმბოების და ჰაერის კონდიცირების სისტემებში; ენერგოეფექტური გათბობის და გაგრილების სისტემები; პასუხი გამოწვევაზე – ოზონის შრის დაცვა და კლიმატს ცვლილება.
კონკურსში მონაწილეობის მსურველი სტუდენტი უნდა აკმაყოფილებდეს შემდეგ პირობებს:
- 2024 წლის 10 სექტემბრის მდგომარეობით უნდა იყოს საქართველოში ავტორიზებული სასწავლებლების პროფესიული, ბაკალავრიატის, მაგისტრატურის ან დოქტორანტურის სტუდენტი;
- წარმომდგენი პირი თავად უნდა იყოს ნაშრომის ავტორი. თანაავტორი არ უნდა იყოს 2-ზე მეტი არასტუდენტი პირი;
- დარეგისტრირებული იყოს კონკურსში მონაწილეობის მისაღებად.
დამატებითი დეტალები კონკურსის შესახებ იხილეთ ბმულზე
კონკურსის ორგანიზატორები არიან: გაეროს განვითარების პროგრამა (UNDP), გარემოს დაცვისა და სოფლის მეურნეობის სამინისტრო, გარემოსდაცვითი ინფორმაციისა და განათლების ცენტრი, ასევე, საქართველოს ტექნიკური უნივერსიტეტის სატრანსპორტო სისტემებისა და მექანიკის ინჟინერიის ფაკულტეტი.
