ცხოვრობ ქვემო ქართლის რეგიონში და გაწუხებს შენი სოფლის ან ქალაქის პრობლემები? გინდა შეცვალო შენი თემის ცხოვრება უკეთესობისკენ?
- თუ გაქვს დრო, ენერგია, კრეატივი და იდეა,
- თუ ხარ ბლოგერი, IT სპეციალისტი, არქიტექტორი, სტუდენტი, მასწავლებელი, ჟურნალისტი, საჯარო მოხელე, მხატვარი, დიზაინერი, მეწარმე თუ უბრალოდ აქტიური მოქალაქე,
- თუ არ გინდა გულხედაკრეფილი ელოდო, როგორ იცვლება შენი თემის, სოფლის, ქალაქის ქუჩები, უბანი, სკოლა, ბაღი, პარკი და ახალგაზრდების ცხოვრება,
მაშინ შენ თვითონ შეცვალე შენი თემის ცხოვრება უკეთესობისკენ!
☼ ეძებ IT ინჟინერიის შემსწავლელ კურსებს? გაეცანი სასწავლო პროგრამებს EDU.ARIS.GE-ზე ☼
“ორბელიანის” იდეების კონკურსი იწყება!
- წარმოადგინე, შენი იდეა, რა გინდა შეცვალო შენს თემში/სოფელში/ქალაქში “ორბელიანის” ონლაინ პლატფორმაზე და როგორ მოახერხებ ამას;
- თქვენს იდეას საკონკურსო ჟიური განიხილავს;
- გამარჯვების შემთხვევაში მიიღეთ ნივთები/დაფინანსება შენი იდეისთვის;
- განავითარე შენი იდეა დარგის ექსპერტების და თანამოაზრეების დახმარებით;
- მიიღე მონაწილეობა ტრენინგებში ადვოკატირებასა და თემის მობილიზებაში და გაიცანი სხვა აქტივისტებიც;
- განახორციელე იდეა, გახდი პოპულარული, გაუზიარე წარმატებას სხვებს!
- გახდი საუკეთესო პროექტის გამარჯვებული და მიიღე დამატებით პრიზი!
ეკოლოგია, გამწვანება, ტრანსპორტი და მობილობა, განათლება და ახალგაზრდების ჩართულობა, ურბანული სივრცის განვითარება თუ კულტურა. რას ეხება შენი იდეა?
იდეების წარდგენის უფლება აქვს ბოლნისის, დმანისის, გარდაბნის და მარნეულის მუნიციპალიტეტებში მცხოვრებ საინიციატივო ჯგუფებს.
- საინიციატივო ჯგუფის წევრები უნდა იყვნენ ახალგაზრდები (18-29წ);
- გუნდში სულ მცირე ხუთი წევრი უნდა იყოს გაწევრიანებული;
- “ორბელიანი” მიესალმება იდეებს ეთნიკური უმცირესობით დასახლებული თემებიდან;
იდეების წარდგენა მხოლოდ “ორბელიანის” ონლაინ პლატფორმაზეა app.orbeliani.net შესაძლებელი. იდეების წარდგენის ბოლო ვადაა 2021 წლის 31 იანვარი.
იდეები მოხალისეობრივ საწყისებზე უნდა განხორციელდეს. გამარჯვებული გუნდი მხოლოდ ინიციატივისთვის საჭირო რესურსებს მიიღებს;
კონკურსის მთლიანი ბიუჯეტია 50, 000 ლარი. გამოვლინდება სულ მცირე 10 გამარჯვებული იდეა!
გაიგე მეტი კონკურსის შესახებ “ორბელიანის” ფეისბუქ გვერდის მეშვეობით! მოგვძებნე OrbelianiGeorgia. კითხვებისთვის მოგვწერეთ office@orbeliani.net ან ჩვენს ფეისბუქ გვერდზე.
პროექტი ხორციელდება ორგანიზაცია “ორბელიანი საქართველოს” მიერ “ახალი აზროვნების ინსტიტუტთან” პარტნიორობით გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით.
