დევნილთა, ეკომიგრანტთა და საარსებო წყაროებით უზრუნველყოფის სააგენტო იძულებით გადაადგილებულ პირებს თვითდასაქმების ხელშეწყობის მიზნით ხელსაწყოებსა და ტექნიკას გადასცემს.
☼ გსურს ბუღალტერიის შესწავლა? გაეცანი სასწავლო პროგრამებს EDU.ARIS.GE-ზე ☼
საგრანტო პროგრამაში მონაწილეობის მსურველებმა პროფესიული განათლების დამადასტურებელი დოკუმენტაცია უნდა წარმოადგინონ. დევნილები და ეკომიგრანტები, 2000 ლარის ღირებულების სახელობო იარაღებს, რაც მათ საქმიანობის წამოწყებასა თუ გაფართოებაში დაეხმარებათ თავადვე შეარჩევენ. ამ ეტაპზე, პროგრამის ფარგლებში 50 იძულებით გადაადგილებული პირი დაფინანსდება.
განაცხადების მიღება დევნილთა, ეკომიგრანტთა და საარსებო წყაროებით უზრუნველყოფის სააგენტოსა და მის ტერიტორიულ სამმართველოებში შემდეგ მისამართებზე მიმდინარეობს:
- თბილისი, თამარაშვილი ქ.N15ა;
- გორი სამების ქუჩა N1;
- რუსთავი, ცურტაველის ქ. N5ა;
- ქუთაისი, ი. აბაშიძის გამზ. N27;
- ზუგდიდი, დ. აღმაშენებლის ქ. N106.
განაცხადის გამოგზავნა შესაძლებელია სააგენტოს ოფიციალურ ელექტრონულ ფოსტაზეც – [email protected].
საგრანტო პროგრამაში მონაწილეობის მსურველები განაცხადის შევსებას 29 იანვრის ჩათვლით შეძლებენ.
იხილეთ თანდართული ფაილები:
- საგრანტო განაცხადი – თვითდასაქმების საგრანტო პროგრამა
- პროფესიების სია
- თვითდასაქმების ხელშეწყობის საგრანტო პროგრამა
