თბილისის მზიურის პარკი ერთი დღით “გაფერადდება”. პარკი პროექტის Check in Georgia-ს ფარგლებში ფერების ფესტივალს უმასპინძლებს. ერთდღიანი ფესტივალი 3 ივნისს არის დაგეგმილი.
ღონისძიება 16:00 საათზე დაიწყება და ფერების შოუსთან ერთად სტუმრები სხვადასხვა აქტივობებში მიიღებენ მონაწილეობას.
☼ გსურს შეისწავლო საბანკო საქმე ბანკში სტაჟირებით? გაეცანი სასწავლო პროგრამებს EDU.ARIS.GE-ზე ☼
ერთდღიანი ფესტივალის ფარგლებში გაიმართება ქართული ჯგუფების: რეზო და ბავშვების, ჯგუფი არასა და Percduo-ს კონცერტები.
დასწრება თავისუფალია, თუმცა ორგანიზატორების მიერ გავრცელებულ ინფორმაციას თან დართული აქვს შენიშვნა, რომლის მიხედვითაც შოუზე 3 წლამდე ბავშვებისთვის დასწრება არ არის რეკომენდირებული. ასევე მათი ცნობით, ფხვნილი არ შეიცავს ქიმიურ ნივთიერებას და არ არის ალერგიული.
1tv.ge
