ალექსანდრე ჯეჯელავამ თსუ-ში მიმდინარე პროცესებზე ჟურნალისტებთან განცახდება გააკეთა და აღნიშნა, რომ სტუდენტთა ამგვარი საქციელი ღია კარის მტვრევაა.
,,უმეტესობა იმ ხალხის, ვინც არის ჩართული ამ მოძრაობაში, ,,აუდიტორია 115”-ში, კონსტრუქციულად თანამშრომლობს, ბევრ ფორმატში, თსუ-ის ახალ მენეჯმენტთან, პროფესორებთან, ჩვენთან და სხვადასხვა არსამთავრობო ორგანიზაციასთან ერთად. ნაწილს უნდადა, როგორც ჩანს, და მათი მიზანია რაღაცა ძალოვანი მეთოდებით გამოხატონ თავის თავი”,- აღნიშნა განათლების მინიისტრმა.
☼ გსურს ბუღალტერიის შესწავლა? გაეცანი სასწავლო პროგრამებს EDU.ARIS.GE-ზე ☼
ალექსანდრე ჯეჯელავამ სტუდენტებს სიმშვიდისკენ მოუწოდა და თქვა, რომ არაფერს არ მოიტანს მსგავსი საქციელი.
,,ჩვენ ყველა მზად ვართ მათთან შესახვედრად. მათ იციან, რომ სტრატეგია მზადდება თსუ-ში, ისიც იციან, რომ თავადაც არიან ჩართული ამ პროცესში და ამიტომ სხვა სტუდენტებისთვის, სასწავლო პროცესისთვის და თვითმმართველოიბის არჩევნებისთვის ხელის შეშლა უკეთესს ვერაფერს მოიტანს”,- აღნიშნა მან.
თვითმმართველობის არჩევნები ამდრომდე დაძაბულ ვითარებაში მიმდინარეობს. მე-6 კორპუსის პიკეტირება კი კვლავ გრძელდება. ,,აუდიტორია115”-ის წევრები თვითმმართველობის არჩევნების გაუქმებას და განათლების შესახებ კანონში ცვლილების შეტანას მოითხოვენ. 13:00 საათზე დაგეგმილ აქციაზე ისინი თავიანთ მოთხოვნებზე უფრო ვრცლად ისაუბრებენ. დაანონსებულია თსუ-ის პირველი კორპუსის პიკეტირებაც.
თსუ–ში თვითმმართველობის არჩევნები დაძაბულობის ფონზე მიმდინარეობს
