სსიპ “ბავშვთა და ახალგაზრდობის ეროვნული ცენტრი” აცხადებს შერჩევას შაორის “მომავლის ბანაკის” ლიდერის პოზიციაზე.
ინფორმაცია შაორის მომავლის ბანაკის შესახებ:
☼ გსურს შეისწავლო საბანკო საქმე ბანკში სტაჟირებით? გაეცანი სასწავლო პროგრამებს EDU.ARIS.GE-ზე ☼
სპორტისა და ახალგაზრდობის საქმეთა სამინისტროს სსიპ “ბავშვთა და ახალგაზრდობის ეროვნული ცენტრი” მერიის განათლების, სპორტისა და ახალგაზრდულ საქმეთა სამსახურთან ერთად ახორციელებს შაორის “მომავლის ბანაკს”, რომლის ფარგლებშიც 4 დღის მანძილზე, 18-29 წლის ასაკის ახალგაზრდებს დაბა შაორის ტერიტორიაზე არსებულ ბანაკში საშუალება მიეცემათ, სხვადასხვა სახის გასართობ-შემეცნებით ღონისძიებებში მონაწილეობის გზით მიიღონ არაფორმალური განათლება.
დღის განმავლობაში ბენეფიციარებს ჩაუტარდებათ ტრეინინგები, დღის მეორე ნახევარი კი დატვირთული იქნება, სპორტულ-გასართობი აქტივობებით.
- ბანაკის დაწყების სავარაუდო თარიღია – 15 ივლისი;
- ნაკადის რაოდენობა – 10;
- ნაკადის ხანგრძლივობა – 4 დღე;
- თითოეული ნაკადის ბენეფიციართა რაოდენობა – 128
- თითოეული ნაკადის ლიდერთა რაოდენობა – 8.
- ბანაკში მონაწილეები დაიყოფიან ოთხ ჯგუფად, რომელთაც სტრუქტურის თანახმად ჰყავთ ორი ლიდერი(ერთი გოგო და ერთი ბიჭი).
მოვალეობები:
- ბანაკის პროგრამის და შინაგანაწესის ცოდნა;
- ლიდერთა მოსამზადებელ შეხვედრებში მონაწილეობის მიღება;
- ბანაკის პროგრამისა და დაგეგმილი აქტივობების განხორციელება;
- ტრეინინგების ჩატარება;
- ჯგუფისთვის საჭირო ინვენტარის ჩაბარება (მიღება-ჩაბარების აქტის საფუძველზე), ზედამხედველობა, მონიტორინგი და ნაკადის ბოლოს ბანაკის საწყობის უფროსისათვის მისი დაბრუნება;
- ბანაკის ტერიტორიის შესწავლა, უსაფრთხოების უზრუნველყოფის მიზნით პრევენციული ზომების მიღება, საევაკუაციო გეგმის ცოდნა;
- ბანაკის ხელძღვანელობასთან მუდმივი და მჭიდრო კომუნიკაცია ინფორმაციის დროული და ეფექტიანი გაცვლის მიზნით;
- ბანაკის ხელმძღვანელობის ინფორმირება ნებისმიერი წინააღმდეგობისა და ჯგუფში არსებული რაიმე სახის პრობლემის შესახებ;
- ლიდერთა ყოველდღიურ შეხვედრებზე დასწრება;
- ჯგუფის წევრების ჩართულობის უზრუნველყოფა პროგრამით გათვალისწინებულ აქტივობებში;
- ბანაკის მონაწილეთა ჩართულობის ყოველდღიური და საბოლოო შეფასება;
- სამუშაოს დროული და ხარისხიანი შესრულება;
- საკუთარი ჯგუფში ბანაკის რეჟიმის, წესების, ქცევის ნორმებისა და შინაგანაწესის უზრუნველყოფა;
- ბანაკის მონაწილის ან მონაწილეთა ჯგუფის მიერ შინაგანაწესის დარღვევის შემთხვევაში ბანაკის ხელმძღვანელობის ინფორმირება;
- ბანაკის მონაწილის ჯანმრთელობის გაუარესების შესახებ ბანაკის ხელმძღვანელობის ინფორმირება და მედიკამენტის გაცემისაგან თავის შეკავება ექიმის ნებართვის გარეშე;
- უფროსის სხვა დავალებების შესრულება.
საკვალიფიკაციო მოთხოვნები:
- 20-29 წლის აქტიური ახალგაზრდა, რომელსაც აქვს მოტივაცია, სურვილი და შესაძლებლობა, გახდეს ახალგაზრდული ბანაკის ლიდერი;
- სასურველია 18-25 წლის ასაკობრივ ჯგუფთან მუშაობის გამოცდილება;
- უმაღლესი სასწავლებლის სტუდენტი ან უმაღლესდამთავრებული;
- სასურველია ტრენერობისა და ახალგაზრდული პროექტების ორგანიზების გამოცდილება;
- სასურველია ბანაკში მონაწილეობის გამოცდილება;
- ზოგადი ცოდნა ბანაკის თემატიკის ირგვლივ;
- გუნდური მუშაობის უნარი;
- სახელმწიფო ენის სრულყოფილად ცოდნა;
- პასუხისმგებლობის გრძნობა;
- გადაწყვეტილების სწრაფად და ეფექტურად მიღების უნარი;
- კრეატიულობა;
- კომუნიკაბელურობა.
ლიდერების ანაზღაურება:
- ბანაკის ცალკეულ ნაკადზე (4 დღე)- 200 ლარი (დარიცხული);
- ლიდერების სამუშაო და საცხოვრებელ ადგილად განისაზღვრება შაორის “მომავლის ბანაკი”;
- ლიდერები უზრუნველყოფილნი იქნებიან ოთხჯერადი კვებით.
- ლიდერთა უფასო, გადასამზადებელ, სამდღიან ტრეინინგში მონაწილეობა
საჭირო დოკუმენტაცია:
- რეზიუმე (CV);
- სამოტივაციო წერილი;
შერჩევის ეტაპები:
- ჯგუფის ლიდერების შერჩევა მოხდება ღია კონკურსის წესით და მოიცავს შემდეგ ეტაპებს:
- კონკურსანტების მიერ გამოგზავნილი დოკუმენტაციის განხილვა და გადარჩევა;
- გადარჩეული კანდიდატების სამდღიანი გადამზადების კურსი/ტრეინინგი
- ფინალური დავალება, რომლის საფუძველზეც შეირჩევიან შაორის “მომავლის ბანაკის” ლიდერები.
საბოლოოდ შერჩეულმა კანდიდატმა უნდა წარმოადგინოს შემდეგი საბუთები:
- ფოტოსურათი (¾-ზე);
- პირადობის მოწმობის ასლი;
- ჯანმრთელობის ცნობა;
- ნასამართლეობის ცნობა;
- ცნობა უმაღლესი სასწავლებლიდან ან დიპლომის ასლი;
- ნარკოლოგიურის ცნობა.
დაინტერესების შემთხვევაში, გთხოვთ, СV და სამოტივაციო წერილი გამოგზავნოთ შემდეგ მისამართზე: shaorileader@gmail.com
დამატებითი ინფორმაციისთვის დაგვიკავშირდით: 599 186987
სააპლიკაციო ფორმის მიღების ბოლო ვადაა 2016 წლის 20 ივნისი.
