აუდიტორია 115-ის წევრები მაღლივში თბილისის მერს, დავით ნარმანიას, შეხვდნენ. დავით ნარმანიას გადაწყვეტილებით, მაღლივის მიმდებარედ ერთი კვირით სამშენებლო სამუშაოები შეჩერდა. დედაქალაქის მერმა საქმის შესასწავლად ერთკვირიანი ვადა ითხოვა, რის შემდეგაც საბოლო გადაწყვეტილება იქნება მიღებული.
☼ დაინტერესებული ხარ ფსიქოლოგიის შესწავლით? გაეცანი სასწავლო პროგრამებს EDU.ARIS.GE-ზე ☼
შეხვედრის შემდეგ „აუდიტორია 115“-ის წევრებმა მაღლივი კორპუსის მიმდებარე ტერიტორიაზე მიმდინარე მშენებლობაზე გადაინაცვლეს. სტუდენტები მძიმე ტექნიკაზე მოთავსდნენ. მათ თან ჰქონდათ ტრანსფარანტები, რომელზეც ეწერა: „დავიცვათ მწვანე საფარი“, „საზოგადოებრივი ინტერესი მეტია კერძო ინტერესებზე“, „დავიცვათ საუნივერსიტეტო სივრცე“.
აუდიტორია 115-ის წევრები თბილისის სახელმწიფო უნივიერსიტეტის მაღლივის მიმდებარე ტერიტორიაზე წყალმომარაგების ოფისის მშენებლობის გაპროტესტებას განაგრძობენ. სტუდენტებმა უშუალოდ მშენებლობის ადგილზე გადაინაცვლეს.
აუდიტორია 115-ის წარმომადგენლები აცხადებენ, რომ თბილისის მერიამ კომპანიას უკანონოდ და უსასყიდლოდ 6 ათასი კვადრატული მიწის ფართობი გადასცა.
წყარო: რუსთავი 2
