ბრაზილიის სამეცნიერო და ტექნოლოგიური განვითარების ეროვნული საბჭო (CNPq-MCTI) და მსოფლიოს მეცნიერებათა აკადემია (TWAS) განვითარებადი ქვეყნებიდან დაინტერესებულ მკვლევარებს იწვევს საკონკურსო პროგრამაში მონაწილეობის მისაღებად.
პროგრამა მიზნად ისახავს ახალგაზრდა მეცნიერების შერჩევას საკონკურსო წესით და მათ ჩართვას ბრაზილიის – სადოქტორო პროგრამებში, ახალგაზრდა მკვლევარებისთვის და პოსტ-დოქტორებისთვის.
კონკურსი გამოცხადებულია შემდეგ მიმართულებში:
- აგრარული მეცნიერებები;
- ბიოლოგიური მეცნიერებები;
- მედიცინის მეცნიერებები;
- ქიმია;
- საინჟინრო მეცნიერებები;
- მათემატიკა, ალბათობა და სტატისტიკა;
- კომპიუტერული მეცნიერებები;
- ფიზიკა;
- ასტრონომია და გეოგრაფია.
CNPq-TWAS პროგრამის მიხედვით გამოცხადებულია:
- 30 სტიპენდია ახალგაზრდა მკვლევარებისთვის;
- 20 სტიპენდია სრული განაკვეთის სადოქტორო პროგრამისათვის;
- 10 სტიპენდია – პოსტდოქტორებისთვის.
მონაწილეობის პირობები:
[textmarker color=fdf401]✔ გსურს სწავლა საზღვარგარეთ? გაეცანი სასწავლო პროგრამებს EDU.ARIS.GE-ზე[/textmarker].
ახალგაზრდა მეცნიერთათვის:
- მინიმუმ მაგისტრის აკადემიური ხარისხი;
- პორტუგალიური და/ან ესპანური და/ან ინგლისური ენის ცოდნა;
- აპლიკანტები, ვისაც აქვთ მუდმივი ან დროებითი ბინადრობის ნებართვა (ან ვიზა) განვითარებულ ქვეყანაში ან ბრაზილიაში არ დაიშვებიან საკონკურსო პირობებით;
- წარმოშობის ქვეყნის უნივერსიტეტში სადოქტორო პროგრამაზე ოფიციალური ჩარიცხვა აპლიკაციის წარმოდგენის დროისთვის მინიმუმ ერთი წლის განმავლობაში.
სადოქტორო პროგრამებისთვის:
- მინიმუმ მაგისტრის აკადემიური ხარისხი;
- პორტუგალიური და/ან ესპანური და/ან ინგლისური ენის ცოდნა;
- აპლიკანტები, ვისაც აქვთ მუდმივი ან დროებითი ბინადრობის ნებართვა (ან ვიზა) განვითარებულ ქვეყანაში ან ბრაზილიაში არ დაიშვებიან საკონკურსო პირობებით.
პოსტ-დიქტორებისთვის:
- დოქტორის აკადემიური ხარისხი;
- პორტუგალიური და/ან ესპანური და/ან ინგლისური ენის ცოდნა;
- აპლიკანტები, ვისაც აქვთ მუდმივი ან დროებითი ბინადრობის ნებართვა ( ან ვიზა) განვითარებულ ქვეყანაში ან ბრაზილიაში არ დაიშვებიან საკონკურსო პირობებით;
- განვითარებად ქვეყანაში მუდმივი სამუშაო და კვლევით საქმიანობაში ჩართულობა.
თარიღები და ვადები:
განაცხადის მიიღება 6 ივლისიდან 24 აგვისტომდე;
კონკურსის შედეგები გასაჯაროვდება 2015 წლის ნოემბერში;
პროგრამის განხორციელება დაიწყება 2016 წლიდან.
სტიპენდიის რაოდენობა (ყოველთვიურად):
- ახალგაზრდა მეცნიერთათვის გამოყოფილია 2.200,00 აშშ დოლარი;
- სადოქტორო პროგრამებისთვის – 2.200,00 აშშ დოლარი;
- პოსტ-დიქტორებისთვის – 4.100,00 აშშ დოლარი.
კონკურსის პირობების შესახებ დამატებითი ინფორმაციისათვის ეწვიეთ ვებ-გვერდს ან დაუკავშირდით შოთა რუსთაველის სამეცნიერო ფონდს.
