მოვალ, როცა მთა და ბარი
თეთრ ნაბადში გაეხვევა,
სტუდენტების საოცნებო
საახალწლო ნაძვის ხე ვარ.
ახალი წელი სტუდენტების დიდი ნაწილისათვის გამოცდებსა და სასწავლო მასალის ქსეროასლებთან ასოცირდება, თუმცა უნივერსიტეტების ადმინისტრაციაში საახალწლო განწყობის შესაქმნელად სხვადასხვა გზას ეძებენ.
საქართველოს აგრარული და თავისუფალი უნივერსიტეტი
საქართველოს აგრარულსა და თავისუფალ უნივერსიტეტში, ნაძვის ხესთან ერთად, საახალწლოდ ,,გამოწყობილ’’ დინოზავრსაც შეხვდებით.
თსუ (პირველი კორპუსი)
საკმაოდ დიდია ,,Self ShooT’’-ის გადაღების მსურველთა რაოდენობა თბილისის სახელმწიფო უნივერსიტეტის პირველი კორპუსის ნაძვისხესთან, რომელიც ახალგაზრდების ოცნებებითა და სურვილებითაა ,,მორთული’’.
თსუ (ბიბლიოთეკა)
თბილისის სახელმწიფო უნივერსიტეტის ბიბლიოთეკის ადმინისტრაციამ, ნაძვის ხესთან ერთად, ,,წიგნის ხე’’ ააწყო. გარდა ამისა, სტუდენტებს თავიანთი სურვილების გამოხატვის შესაძლებლობაც მისცა.
თსუ-ს მე-6 კორპუსი
სტუდენტების თქმით, საახალწლო განწყობა წელს პირველად შეინიშნებოდა თსუ-ის მეექვსე კორპუსში.
სასწავლო სემესტრის ბოლო დღეს მაღალი აკადემიური მოსწრების მქონე სტუდენტები დააჯილდოვეს და სპეციალურად მათთვის გასართობი ღონისძიება მოაწყვეს.
საქართველოს ტექნიკური უნივერსიტეტი
საქართველოს ტექნიკური უნივერსიტეტის ადმინისტრაციულ კორპუსში კი საახალწლო განწყობას სტუდენტებს შესასვლელში დამონტაჟებული ტელევიზორი უქმნის.
თბილისის სახელმწიფო სამედიცინო უნივერსიტეტი
სამედიცინო უნივერსიტეტის სტუდენტებს შობა-ახალ წელს ამ აბრით ულოცავენ.
ილიას სახელმწიფო უნივერსიტეტი
ილიას სახელმწიფო უნივერსიტეტის ნაძვისხე კი ფერადი ბურთებითაა მორთული,
რომლებზეც სასწავლებლის ლოგოა გამოსახული.
სდასუ
საქართველოს დავით აღმაშენებლის სახელობის უნივერსიტეტში შესვლისთანავე ამ ნაძვისხეს შეხვდებით. დერეფანში კი საახალწლო განწყობს ფერადი ნათურები ქმნის.
ავტორი: ანი ბოჭორიშვილი
