ქვემო საქსონია გერმანიის უკანასკნელი მხარეა, რომელმაც საუნივერსიტეტო სწავლების საფასური გააუქმა.
გამოცემა „germanpulse“ წერს, რომ „ამერიკელმა მოსწავლეებმა, რომელთაც კოლეჯში ჩაბარება სურთ, მაგრამ ამის ფინანსური საშუალება არ აქვთ, შესაძლოა, გერმანიაში დაიწყონ სასწავლებლების ძიება, რადგან სწავლის საფასური მთელი ქვეყნის მასშტაბით გაუქმდა მას შემდეგ, რაც დანარჩენ მხარეებს ქვემო საქსონიაც შეუერთდა.
გერმანიის უნივერსიტეტები ადრე უფასო იყო, მაგრამ 2006 წელს ქვეყნის საკონსტიტუციო სასამართლომ გადაწყვიტა, რომ შეზღუდული საფასური არ ეწინააღმდეგებოდა საყოველთაო განათლებისადმი მიდრეკილ გერმანიის პოლიტიკას. თუმცა, ბევრ მხარეს დიდი დრო არ დასჭირვებია იმის მისახვედრად, რომ ეს ფასები ძალიან არაპოპულარული იყო და ნელ-ნელა თითოეულმა, გარდა ქვემო საქსონიისა, მათი გაუქმება დაიწყო.
ქვემო საქსონიის მეცნიერებისა და კულტურის მინისტრმა, გაბრიელე ჰეინენ–ჯიაიცმა, თავის განცხადებაში თქვა, რომ მათ საბოლოოდ ეს გადაწყვეტილება მიიღეს, რადგან „არ სურთ ისეთი განათლება, რომელიც მშობლების ქონებაზეა დამოკიდებული.“
„სწავლების საფასური „უკარგავს სწავლის მონდომებას იმ ახალგაზრდებს, რომელთაც არ ჰყავთ განათლებული ტრადიციული ოჯახი. პოლიტიკის უმთავრესი ამოცანაა, ახალგაზრდა გოგონებსა და ვაჟებს მიეცეთ უფასო, მაგრამ აუცილებლად ხარისხიანი განათლება“, – განაცხადა ჰამბურგის სენატორმა მეცნიერების დარგში, დოროთი სტეფელფილდმა.
გერმანიის უფასო უნივერსიტეტებს კიდევ უფრო მიმზიდველს ხდის ის ფაქტი, რომ გადასახადებისაგან უცხოელი სტუდენტებიც თავისუფლდებიან.
წყარო: www.germanpulse.com
