[blockquote style=”1″]„გასაოცარი მხატვარი, რომელიც ხატავს სულიერებაზე, სიყვარულზე და რწმენაზე. მისი ნახატები მოცულია მისტიკურობით“.[/blockquote]
8 წლის ასაკში შესრულებული
აკიანე კრამარიკმა ცხოვრება უჩვეულო გზით დაიწყო. იგი დაიბადა ქოხში. ოჯახს ძალიან უჭირდა და მშობლებმა ის სკოლის ტიპის საცხოვრებელში შეიყვანეს, სადაც ცოტახანი დაჰყო. აკიანეს ოჯახის წევრები რელიგიის მიმართ გულგრილნი იყვნენ. როცა გოგონა 4 წლის შესრულდა, მას რაღაც ნათელი ეწვია, რის შემდეგაც მის ცნობიერებაში გაჩნდა უხილავი სამყარო. აკიანემ გადაწყვიტა ეს ყველაფერი ხელოვნებაში გადმოეცა. მას შემდეგ, რაც გაანალიზა ბევრი დეტალი ამ თვითშეცნობილ სამყაროზე, მან გადაწყვიტა, რომ ინფორმაცია ამ სამყაროს შესახებ, საიდუმლოდ შეენახა. გოგონა ამბობდა: “ჯერ არ დამდგარა ის დრო, რომელსაც მე ვხედავ“.
„უმანკო“ 12 წლის ასაკში შესრულებული
მისი ნახატები ძალიან ჰგავს რეალურს, განსაკუთრებით ადამიანთა სახეები. მისი პირველი გამოფენის შემდეგ, ხალხს დიდი ხანი სჭირდებოდა გაეანალიზებინა, რომ ეს იყო პატარა გოგონას შემოქმედების ნიმუშები. ამის გარდა, აკიანებ ნელ-ნელა ხელი მიჰყო მწერლობას. 8 წლის ასაკში თვითნასწავლ საოცრებას თავისი 5 ფუტი სიგრძის ნახატების გამო, რომელიც ზეთის საღებავებით იყო შესრულებული, წლის არტისტის წოდება მიენიჭა.
აკიანეს შემოქმედებით დაინტერესდა მედიაც. მისი ისტორია ხალხში უცბად გავრცელდა. დიდი აღიარების შემდეგ გოგონას ეწოდა გენიოსი, საოცრება, ბროლის ბავშვი, ინდიგო, მაცნე, რაღაცის მაუწყებელი, ფანტაზიორი, მოციქული… და 21 საუკუნის პირველი, ნამდვილი, დიდი მხატვარი.
„გარდასახვა“ 16 წლის ასაკში შესრულებული
„წყლის ანგელოზი“
ის ახლა 18 წლისაა და კვლავ განაგრძობს თავისი შთაგონების გამოხატვას მხატვრობასა და პოეზიაში. აკიანე ყოველ დილით 4 საათზე დგება და საკმაოდ დიდ დროს ატარებს თავის სამხატვრო სტუდიაში. ხანდახან 4 თვითაც კი რჩება მარტო თავის ნამუშევრებთან და დეტალ-დეტალ ხვეწს მათ. აკიანე დიდ დროს უთმობს ლექსების და რომანების წერასაც. ის არის ავტორი 2 „ბესტსელერისა“: „Her life, her art, her poetry”, “My dream is Bigger than I”. ამავდროულად, არაჩვეულებრივად უკრავს ფორტეპიანოზე, ფლობს 4 ენას, არის მოდის დიზაინერი, ხშირად უკერავს ტანსაცმელს და ეთამაშება თავის 4 პატარა ძმას. მისი ნახატები მოცულია საიდუმლოებით, სიმბოლოებით, გამოცანებით და სჭირდება გაშიფრვა. აკიანეს ნახატები 100 000 დოლარი ღირს, ზოგიერთი კი მილიონად არის შეფასებული. აკიანე გახდა მსოფლიოში ყველაზე წარმატებული მხატვარი ბავშვი.
ნინო ალთუნაშვილი
