გორში, ისევე, როგორც საქართველოს სხვა დიდ ქალაქებში – თბილისში, ზუგდიდში, ბათუმსა და ქუთაისში, მიმდინარეობს ევროკავშირის კინოფესტივალი, რომლის ფარგლებშიც ევროპულ ქვეყნებში აღიარებული ფილმების ჩვენებები იმართება.
კინოფესტივალის მიზანია, საქართველოს მოსახელეობას ფილმების მეშვეობით გააცნოს ევროპელი ხალხის ჩვეულებრივი ცხოვრება, მათი სატკივარი და ოცნებები, წარმატებები და ინტერესები, ღირებულებები, ტრადიციები, კულტურა და ძირითადი ფასეულობები.
ფესტივლის ფარგლებში, გორისმოსახლეობას შესაძლებლობა ექნება ნახოს ევროკავშირის წევრი სახელმწიფოების მიერ აღიარებული მნიშვნელოვანი ფილმები. პროგრამში წარმოდგენილი მხატვრული ფილმები კრეატიული გზით გამოხატავს ძირითად ევროპულ ფასეულობებს.
კინოფესტივალი ორგანიზებულია საქართველოში ევროკაშირის წარმომადგენლობის მიერ, ევროკავშირის წევრი სახელმწიფოების საელჩოების ხელშეწყობით.
ფილმების ჩვენება ყოველდღიურად, გორის სახელმწიფო სასწავლო უნივერსიტეტში იმართება. ეს ჩვენებები 7 თებერვლიდან 16 თებერვლამდე გაგრძელდება. გორში სულ თორმეტი ფილმი იქნება ნაჩვენები.
კინოფესტივალი ხუთივე ქალაქში და მათ შორის გორშიც 7 თებერვალს გაიხსნა და პირველი ფილმის ჩვენებაც მოეწყო. ბერძნულმა ფილმმა „სანელებლის გემომ“ მაყურებელთა დიდი მოწონება დაიმსახურა. „სანელებლის გემო“ მოგვითხრობს ახალგაზრდა ბერძენ ბიჭზე, სახელად ფანისი, რომელიც სტამბოლში იზრდება. ჩვენებას გორის მოსახლეობა, სტუდენტები, ევროპელი მოხალისეები, ევროკავშირის სადამკვირვებლო მისიის წარმომადგენლები, ბერძნული დიასპორის ხელმძღვანელი და ადგილობრივი საზოგადოების სხვა წევრები ესწრებოდნენ. ფილმის ჩვენებამ დაახლოებით ორი საათს გასტანა, შემდეგ კი გაიმართა დისკუსია. მაყურებლები აღნიშნავდნენ რომ „ეს არის დამაფიქრებელი ფილმი ბერძნულ-თურქულ ურთიერთობებზე, ტრადიციებზე, ადამიანურ ღირებულებებზე“.
8 თებერვალს მაყურებელმა ნახა გერმანელი რეჟისორის ფილმი „ძილის ავადმყოფობა“.
ევროკავშირის კინოფესტივალის კოორდინატორი გორში კატო ქოთოლაშვილი – მნიშვნელოვანია, რომ ევროპული კინოფესტივალი გორშიც ტარდება. გორის მოსახლეობას, და განსაკუთრებით კი კინომოყვარულებს, მიეცათ შესაძლებლობა ნახონ ევროპული ხარისხიანი კინო, აგებული სხვადასხვა თემატიკაზე, და ადამიანი ბევრ საკითხზე დააფიქროს, გამოიწვიოს საინტერესო დისკუსია. ასევე მან აღნიშნა, რომ საზოგადოება ამ ფილმების ნახვის შემდეგ ევროპელი ხალხის ყოველდღიური ცხოვრების, მიზნებისა და ოცნებების შესახებ მეტ ინფორმაციას მიიღებს. ეს ფილმები თემატიკიდან გამომდინარე, ყველა თაობის ადამიანისთვის საინტერესოა.
– იგეგმება თუ არა მსგავსი სახის პროექტის განხორციელება ქ. გორში?
– სავარაუდოდ, კი. უკვე დაგეგმილია აღნიშნული ფესტივალის მეორე ციკლის განხორციელება, მომავალი წლის გაზაფხულზე.
ეკა ხანიშვილი
